Oraingo gizarte garatuaren arabera, bada, haurren ongizatea eskubide bat da, jaiotze hutsagatik haur orok daukana, alegia.
Horren arabera, beraz, familiaren eta gizartearen betebeharra da haurren ardura eta garapena bultzatzea, sendotzea, eta laguntzea, haur guztienak, oro har, eta bereziki, egoera okerragotik abiatzen direnenak, arrisku egoeran jaiotzen direnenak, edota beren familiatik beren beharrei egokitutako ardurarik jasotzen ez dutenenak.
"Haurren aldeko agiri" honen asmoa da puntu batzuk proposatzea, hausnarketaren lagungarri, eta gure gizarteko kideengan sentsibilitate handiagoa eragitea haurren beharrekiko, bereziki gizarte egoera zailagoan dauden haurrekiko.
Txostenak deskargatzen arazorik baduzu, mesedez, jar zaitez gurekin harremanetan helbide honetan info.gizartekintza@gipuzkoa.net eta interesatzen zaizun txostena bidaliko dizugu.
