Bilatzaile aurreratua ››

Bilatu:

• Pertsona Nagusiak
• Haur eta Gazteak
• Ezintasuna duten Pertsonak
• Elkarteak
• Informazio tartea

ADOPZIOA: FAMILIA BATEAN HAZTEKO ESKUBIDEA

ZER DA ADOPZIOA

Adopzioa babes baliabidea bat da, beren familietan jarraitu ezin eta famili ingurune iraunkorra behar duten haurrentzat.

Adopzioak adingabearen eta familia biologikoaren arteko lege loturak hausten ditu. Era berean, haurraren eta familia adoptatzailearen artean, familia biologikoak dituen eskubide eta betebeharretan oinarritutako harremana sortzen du.

Adopzioa ezeztaezina da.

ADOPZIOA GAUR

Gure gizartean, adoptatzeko dauden adingabeen kopurua jaitsi egin da. Besteak beste, ondoko arrazoiengatik da: nahi ez diren seme-alabak eta/edo abandonatuak gutxitu egin direlako eta famili laguntza baliabideak gehitu direlako.

Horregatik, adopzio eskaerak geroz eta maizago beste herrialdetara zuzentzen dira. Herrialde horietan, gizarte eta ekonomia arazoak direla eta, familia batek adoptatu zain dauden umeak daude eta.

NORTZUK ADOPTATU DEZAKETE

Adopzioa eskatu dezakete adopzioaren bitartez guraso izan nahi duten pertsonek edo bikoteek, ezkontide izan edo izatezko bikote izan.

Horretarako, honako hauek egin behar dituzte:

• Espainiako legeriak ezarritako baldintzak bete.
• Gipuzkoako Foru Aldundiko egokitasun ziurtagiria lortu.

Eskaera atzerriko herrialde batera bidaltzen bada, adingabearen jatorrizko herrialdeak ezarritako baldintzak bete behar dira.

NOLA TRAMITATU BEHAR DA ADOPZIO BAT

Adopzio eskaera egin nahi duten familiek Gipuzkoako Foru Aldundiko Gizarte Politikarako Departamentura etorri behar dute. Bertan, informazio gehiago emango zaie eman beharreko urratsei buruz.

Erakunde honek egiten dituen izapide guztiak doanekoak dira eskatzaileentzat.

EMAN BEHARREKO URRATSAK:

• Informazio eta prestakuntzako hiru saiotara joatea:
  • Lehenengo biak derrigorrezkoak dira. Saio horietan, adopzioaren lege gaiak aztertzen dira, baita psikologia eta hezkuntzako alderdiak ere.
  • Hirugarren saioa borondatezkoa da, baina Foru Aldundiak joatea gomendatzen du. Bertan, atzerriko herrialdeek eskatzaileei eskatzen dizkieten baldintzen berri emango zaie.
• Eskaera Gipuzkoako Foru Aldundian aurkeztea. Besteak beste, ondoko gaiak azaldu behar dira:
  • Eskaera zein herrialdetan egin nahi den.
  • Tramitazioa bide publikotik egin nahi den (hau da, Foru Aldundiaren bitartez), edo Nazioarte Adopziorako Erakunde Laguntzaile (NAEL) baten bitartez.
  • Eskaerarekin batera beste agiri batzuk ere ekarri behar dira; horien berri informazio bileretan emango da.
• Egokitasunaren azterketa. Eskatzaileak adingabe bat adoptatzeko egokiak diren jakiteko, hainbat elkarrizketa egiten dira.
  Elkarrizketa hauek psikologoek eta gizarte laguntzaile espezializatuek egiten dituzte, eta bertan familiaren baldintza pertsonalak, psikologikoak eta sozialak aztertzen dira.
• Aipatu elkarrizketek emandako emaitzen arabera, Foru Aldundiko talde espezializatu batek erabakitzen du familia eskatzailea egokia den ala ez, Egokitasun Ziurtagiria emanez edo ukatuz.
• Dokumentazioa atzerrira bidaltzea:
  • Familiak espedientea bide publikotik egitea aukeratu badu, Foru Aldundiak atzerrira bidaliko du, Estatuko Laneko eta Gizarte Arazoetako Ministerioaren bitartez. Espedientea adingabearen jatorrizko herrialdeak eskatutako agiri guztiek osatzen dute.
  • Familiak bere espedientea NAEL baten bitartez tramitatzea aukeratu badu, bi aldeek kontratu bat sinatuko dute. Kontratu horren bitartez, NAELa espedientea tramitatzera konprometitzen da, herrialdera bidaltzera, egin beharreko kudeaketa egitera, familiari prestakuntza ematera eta adopzio ondorengo jarraipena egitera. Lan horren truke, familiak Eusko Jaurlaritzak onartutako tarifa bat ordaindu behar du.

AURRETIKO IZENDAPENA

Gipuzkoako Foru Aldundiak emandako Egokitasun Ziurtagiriak ez du esan nahi jatorrizko Estatuak, automatikoki, hautatuko dituela guraso adoptatzaile izateko.

Adoptatu daitekeen adingabe bat badago, jatorrizko herriak berak aukeratzen du ume horrentzat egokiena deritzon familia.

ADOPZIOA ERATZEA

Adopzioa eratu ondoren, Erregistro Zibilean inskribatu behar da:

• Gipuzkoan egin bada, dagokion Erregistro Zibilean.
• Nazioarteko adopzioa bada:
  • adingabearen jatorrizko herrialdeko Espainiako Kontsulatuaren Erregistroan, edo
  • Erregistro Zibil Zentralean.

ADOPZIO ONDORENGO JARRAIPENAK

Jatorrizko herrialdeen araudiak derrigortu egiten du adingabearen adopzioaren jarraipenaren berri ematea honen familiari, adingabearen egokitzapen prozesua egokia izaten ari dela egiaztatzeko.

Adopzioa NAEL baten bitartez tramitatu bada, berak egin behar ditu jarraipen txostenak.

Adopzioa bide publikotik egin bada, Foru Aldundiari dagokio txosten horiek egitea.

Gorantz joan | Aldizkariaren portadara itzuli